Acamp dau comitat PAIS TOLONENC, 2 de junh de 2023

 

S’es acampat lo comitat País Tolonenc que, despuei lo covid 19 s’èra un pauc assomit. Ambe la volontat de tornar prendre lo vam, premier dins l‘accion politica. 

 

Son estats discutits lei ponchs seguents :

 

• La situacion generala dau partit e lei relacions ambe lo federau e Region Provença
• Çò qu’es a de se faire e lei terrens d’intervencions possibles
• Un rampèu ai pròchis per s’investir dins una practica comuna
• Lo bilanç financier dau comitat

 

La dificultat de comunicacion e lo seguit dei decisions presas en CF son au remouc d’una comunicacion alèatòria, despuei qu’avèm plus de BI, lo numeric estent lo liam solet, e lo seguit en Provença estent pas assumit regularament per lei responsables de Region Provença (aquela situacion es de se melhorar despuei que Claire fa liam ; mai sabèm totjorn pas cu es lo delegat de Region Provença au CF mentre qu’avèm doas responsablas au BF…).

 

Lo refortiment dau CF qu’avèm demandat se farà solament se lei responsabilitats son despartidas.

 

-Pressa dau partit, ADEO. Despuei lei decisions presas a Besiers -l’a faugut 4 mes per aguer un còmpte rendut !- e la barradura dau Cebier qu’èra per nautrei lo liam ambe nòstrei correspondents e militants, lo temps quita pas de passar avans que se mete en plaça una autra formula (tematicas-papier e blòg). Una sola persona (o doas) faràn jamai lo travalh d’una còla ai responsabilitats definidas per avivar un blòg, un site ADEO ambe leis articles dei numeròs passats (e pas solament la cuberta !), e durbir lo talh dei tematicas. Es aquí lo pic de la dalha.

 

(Pasmens, sembla que l’acamp preparatòri en visio (07/06) a la revista e doncas a una tematica - «Centralisme/decentralizacion-democracia occitana » - sigue un premier pas per desblocar aquela situacion).

 

Aquestei doas empachas e lo temps degalhat fan totjorn question au dintre d’un foncionament democratic dau partit.

 

Manifestacions, participacions, projècts

 

• Lo comitat participarà au rescòntre OC PER PROVENCA ! en Pais sestian lo 11 de junh. Serà l’ocasion d’escambiar ambe de monde pròchi e de veire quinei proposicions seràn evocadas, quina articulacion portairèla se farà entre Oc per Provença ! e POc-Region Provença.
• Lo comitat participa lo 6 de Junh a la manifestacion sus la reforma dei retiradas a Tolon. (Polit article de Var Matin, encuei -07/06-, entrevista ambe Pèire Còsta au nom de RPS).

 

D’unei projècts locaus/regionaus seràn discutits, prepausats puei : 

 

• Una forma d’informacion/escambis sus lei transpòrts (soscar a la forma practica de donar) es avançada (en ligason ambe lo collectiu Stop LGV e lei demandas localas).
• La question de l’aiga en Sud Santa Bauma (amb un travalh dins lo quadre de la commision aiga dau PNR-Santa Bauma) es evocada, subretot ai raras de la Zòna d’activitats de Signa -projèct usina idrogèn (la mema que Gardana /13), l’usina d’ametlas de Montebourg …) : aitant d’activitats que van encara far demenir lei napas freaticas localas…
• La question dau lotjament ambe la possibilitat de preparar una brocadureta (donadas INSEE/Var de recampar). Lo Pèire s’es prepausat de  mandar lo lec.

Segur, toteis aquelei proposicions se pòdon endevenir ambe Region Provença.

 

Un rampèu ai pròchis per s’investir dins una practica comuna

 

Se volèm crèisser dins nòstre ròdol tolonenc e varès, aquò se farà a beis uelhs vesents dins lo domèni d’aquestei proposicions, tot caminant de cotria.

 

Si pour des raisons personnelles vous ne pouvez être sur le terrain, vous pouvez adhérer pour nous soutenir. Vous recevrez le courrier du POc fédéral et de Région Provence.

 

Bilanç financier

 

Ives Jestin, nòstre clavaire, rende còmpte de çò qu’avèm en caissa : una soma « maigrinèla » que deuria se refortir.

 

Doncas, es a nautrei de se metre a jorn (escostison 2023, s’es pas ja fach.)

 

De seguir