E LO SOCIAU DINS TOT AQUÒ ?

28 / 07 / 2022

 

Nòstrei fondamentaus 1 (article pareissut dins lo Cebier n°235, estiu de 2022)

 

E LO SOCIAU DINS TOT AQUÒ ?

 

L’occitanisme politic de progrès s’es totjorn tafurat de la question sociala e de l’economia dei regions e territòris. Lo locau es estat una prioritat coma responsa au globau.  A jamai estat consent per una ideologia s’impausant a aquestei questions e ganhan sus elei, estent la basi d’una liberacion possibla per totei lei pòbles.

 

Escrichs programatics, proposicions alternativas au sistèma siguèron jamai ignorats maugrat la mondializacion impausada per lei tractats europencs. (1) Aquestei questions son soventei còps tapadas per leis imperatius budgetaris neoliberaus qu’an envaït la planèta.

 

Ambe totei lei consequéncias subidas de’n pertot, dins lo sociau, l’environament, la biodiversitat e la santat. Afiermar que lo desvolopament productivista es « duradís » es qu’engana e messorga dei gròssas. Decessarem pas de denonciar aquesta logica d’espolacion planetària dei ressorças naturalas que nèga de lònga lo rescaufament climatic.

 

Lei liberaus contunian d’escondre aquesta evidéncia, fasent acrèire que lo progrès tecnic sauvarà la planèta e l’equilibri dau vivent. L’Estat francés-EDF es la premiera entrepressa de sosten au nuclear.

 

Es ajudat dins lei corredors dau parlament europenc per 27 gropaments de pression, emplegant 119 personas, amb un budget annau de 7,9 millions € en 2021. (2) Pasmens, pòdon pas ignorar que, tre leis annadas 50, aviam basculat de l’olocèna dins l’antropocèna, ambe la resulta que ne’n davala. (3)

 

S’es pas aplantada aquela agarrida, siam ja – amb una opinion publica anestesiada-, dins una temporada de subrevida. Lo tot consumacion a matat l’esperit ciutadan.

 

Se marca la question sociala dins una recèrca dei condicions de vida melhorada, non pòu eludir aquestei condicions generalas. Nimai èstre despartida dei questions d’ecologia, encara mens dei situacions socio-economicas.

 

Es significatiu que sigue l’enjuec dei questions « nacionalas ». Es estat mes en evidéncia dau temps dei jornadas d’estiu de Regions e Pòbles Solidaris de Tolon (setembre de 2021), demieg manteis estrategias politicas presentas.

 

A la question pausada sus la question sociala e lei diferéncias entre leis orientacions deis independentistas escossés e aquelei dau Labour Party, lo représentant dau SNP, Cristian Allard, respondiá solament qu’èran fòrça prochas. Mai se pòu pas ignorar l’omnipreséncia de la logica liberala que pèsa sus tot procediment de liberacion.

 

Aquí, ges de responsa. Aquesta estrategia  es au dintre de tot caminament vèrs l’autodeterminacion ; se retròba en Catalonha entre ERC e JuntsxCat sus la gestion e la desparticion dei riquesas. Se pòu pas escondre que la diferéncia dei responsas es sovent granda sus la question sociala. 

 

En Escòçia coma en Còrsa, per citar lei procès mai avançats, es tanben amb aqueleis enjuecs que se refortirà tota avançada democratica. Es pas l’alargament dei privatizacions que farà progressar lei politicas de liberacion.

 

Dins lo quadre de la globalizacion economica impausada, es necite per tota recerca alternativa de non considerar la question sociala e economica coma segondària. Es a aquesta revendicacion que leis autonomistas coma leis independantistas an de respondre clarament, au risque de tornar metre en plaça lei vièlhei receptas e politicas  centralistas inegalitàrias.

 

De debatre per aquelei que va desiran, mai dins l’urgéncia. Regionalistas e nacionalistas de progrès an pas ges de subjèct tabó. Leis occitanistas que desparton pas la question sociala de la revendicacion culturala e lingüistica sabon que « l’examen clinic e radioscopic de l’Homo occitanicus basta pas ; es a l’occitanisme scientific de contuniar, a la politica occitana de començar. »

 

Es çò que rementava amb a prepaus e umor nòstre amic Guiu Martin que despartiá pas la question sociala de l’identitat occitana. (4) 

 

Gerard TAUTIL

 

 

1- Démocracia occitana. De la decentralizacion a l’autonomia. Los quasèrns del Partit Occitan. 2006

2- H. Kempf. Reporterre, 19/04 2022 (chifras bensai sota-estimadas…)

3- G.Tautil. CONTRATEMPS. Letras sus l’Occitania e l’occitanisme. Capítol 6 « Lei desfis de la crisi ecologica ». IEO edicions, coll. Ensage. 2022

4- Gui Martin. Premier camin a senèstra. In Camins d’Occitania. p.43 (Dir. G.Tautil). L’Harmattan 1997

 

 

Et le social dans tout cela ?

 

L’occitanisme politique de progrès s’est toujours préoccupé de la question sociale et de l’économie des régions et territoires. Le local a toujours été une priorité pour répondre au global.

 

Il n’a jamais accepté que l’idéologie prenne le pas sur ces questions qui sont à la base de la libération progressive de tous les peuples. Dans ses écrits programmatiques, ses propositions alternatives au système (1) ne sont pas ignorées malgré la mondialisation appliquée par les traités européens.  

 

Ces questions sont souvent masquées par les impératifs budgétaires néolibéraux qui ont gagné la planète. Avec toutes les conséquences subies dans tous les domaines, celui du social mais aussi dans les domaines de l’environnement, de la biodiversité et de la santé.

 

Affirmer que le développement productiviste ne peut être que « durable » n’ est que supercherie e mensonge. On n’aura de cesse de dénoncer cette logique qui spolie la planète de ses ressources naturelles et nie les effets du réchauffement climatique. Les libéraux continuent à masquer cette réalité, ils font croire que le progrès technique sauvera la planète et l’équilibre du vivant.

 

L’Etat français-EDF est la première entreprise de soutien au nucléaire. Il est aidé dans les couloirs du parlement européen par 27 groupes de pression, employant 119 personnes, au budget annuel de 7,9 millions€ en 2021 (2).

 

Néanmoins, ils ne peuvent ignorer que dès les années 50, nous avons basculé de l’olocène dans l’anthropocène avec toutes les conséquences que cela implique. (3) Si rien n’est fait pour stopper concrètement cette agression, nous sommes déjà - avec une opinion publique anesthésiée-, dans une situation de survie. Le tout consommation a tué l’esprit citoyen.

 

La question sociale s’inscrit dans une recherche des conditions de vie meilleures, elle ne peut faire abstraction de ces conditions générales. Pas plus qu’elle ne peut être dissociée des questions d’écologie, la question sociale ne peut l’être des situations socio-économiques.

 

Il est significatif qu’elle soit un enjeu des questions « nationales ». C’est ce qui a été mis en évidence lors des journées de Régions et Peuples Solidaires de Toulon (oct. 2021), parmi plusieurs stratégies politiques présentes.

 

A la question posée sur la différence entre les orientations économiques des indépendantistes écossais et celles du Labour Party, le représentant du SNP, Christian Allard, répondait seulement qu’elles sont très proches.

 

On ne peut pourtant ignorer cette omniprésence de la logique libérale qui pèse sur tout processus de libération. Là, pas de réponse. Cette stratégie est pourtant au cœur de tout processus d’autodétermination ; elle se retrouve en Catalogne où se joue également entre ERC et JuntsxCat la question de la gestion et de la répartition des richesses. La différence des réponses est souvent grande quand il s’agit de la question sociale.

 

En Ecosse, en Catalogne comme en Corse, pour ne parler que des processus les plus avancés, c’est aussi sur ces enjeux que se renforcera toute avancée démocratique. Ce n’est évidemment pas l’élargissement des privatisations qui fera progresser les politiques de libération.

 

Dans le cadre de la globalisation économique qui nous est imposée, toute recherche alternative ne doit pas considérer comme secondaire la question sociale et économique. C’est cette revendication que les autonomistes comme les indépendantistes doivent exprimer plus clairement, au risque de faire le lit des vieilles politiques économiques centralistes et inégalitaires.

 

En débat donc, pour celles et ceux qui le souhaitent, mais dans l’urgence. Les régionalistes et nationalistes de progrès n’ont pas de sujet tabou. Les occitanistes qui ne dissocient pas la question sociale de la revendication culturelle et linguistique savent que « L’examen clinique et radioscopique de l’Homo occitanicus ne suffit pas ; l’occitanisme scientifique doit continuer, la politique occitane doit commencer. »

 

C’est ce que nous rappelait avec à propos et humour notre ami Guy Martin qui ne dissociait pas la question sociale de l’identité occitane. (4)

 

Gerard TAUTIL

 

 

1- Démocracia occitana. De la decentralizacion a l’autonomia. Los quasèrns del Partit Occitan. 2006

2- H. Kempf. Reporterre, 19/04 2022 (chiffres sans doute sous-estimés).

3- G.Tautil. CONTRATEMPS. Letras sus l’Occitania e l’occitanisme. Cap.6 « Lei desfis de la crisi ecologica ». IEO edicions, coll. Ensage. 2022

4- Gui Martin. Premier camin a senèstra. In Camins d’Occitania. p.43 (Dir. G.Tautil) L’Harmattan 1997