CLIMAT - COP 27 : PROMESSAS E BIDORSADAS

Lo climat es sempre au còr deis afichatges internacionaus, lo darrier rescòntre de la COP 27 en Egipte n’es l’illustracion. 

 

Pasmens lo GIEC (Grop d'experts intergovernementau sus l'evolucion dau climat) aviá ja mes en garda l’evolucion negativa dau climat dins siès rapòrts adarré : aumentacion dei gas a efèct de sèrra (GES) que nos rèstan tres ans per lei demenir, çò qu’èra compres dins l’acòrdi de París (2015).

 

En cas de creissènça de 1,3° entre 2015 e 2020, lo GIEC preveguèt de redurre de 50% leis emissions mondialas per obtenir la neutralitat carbòne d’aicí 2050.

 

Se non la temperatura seriá de + 3,5° en fin de sègle, ambe totei lei consequéncias d’eveniments climatics dei grèus : fonda dei glaciers, dilatacion deis oceans, immersion d’illas dins lo Pacific (se debana ara), acidificacion dei mars e ecosistèma marins que son per despareisser, e subretot liberacion de CO2 contengut dins lo permafròst en seguida dau rescaufament climatic.

 

Mission impossibla dins lei condicions d’emissions de CO2 en auça en causa dau refortiment dei sorsas d’energia fossilas. De’n premier son responsables d’aquela situacion tant lei país industrializats coma China - premiera emetritz de gas a efèct de serra -, Inda e país dau Gòlfe que se ronsan dins la carriera bòrnia productivista e seis efècts anti-ecologics per lo vivent.

 

Es estada entenduda aquela crida a Charm El Cheikh ? Ne’n podèm dobtar. D’aitant mai qu’es afortida aquela messa en garda de l’Ademe e dei scenaris anteriors prepausats per NegaWatt. Mòstran que la retorica macroniana d’un retorn au modèl amish e a la candèla se desavia e que la sobrietat ben pensada en fonccion de l’avançada dei tecnicas (potz e pompatge dirèct de CO2 dins l’atmosfèra son a l’estudi …) es en mesura de destraucar a la neutralitat carbone.

 

Mai lei tecnicas fan pas tot se la demanda d’energias fossilas contunia en luòga de descréisser, se la refondacion estructurala s’endevèn pas ambe de solucions possiblas coma la renovacion e l’isolacion dei lotjaments, la auça de l’agricultura bio e subretot la produccion d’energias bas carbone.

 

Lo discors governementau sus la sobrietat fa pas miranda fòra contèxte mondiau. Siam plus dins la logica grisa dau PIB, nimai d’estatisticas chausidas per lei tecnòs de servici, se tracta ara de cambiar de pè. La question dau climat non se pòu comprendre sensa lei condicions collectivas dau viure ensems, l’adaptacion dei politicas a la diversitat dei situacions economicas e socialas, donc sensa prendre a la braceta la question des inegalitats.

 

L’i siam mai ò avèm passat l’òsca ? Decebablas son lei conclusions de la COP 27. Mai de mila scientifics afortisson que la limitacion dau 1,5° es que ficcion e messòrga. La dependéncia au gas e au petròli, e mai ara au carbon, es pas a mand de calar. Lei bidorsadas, l’egoïsme e l’incompeténcia deis Estats concernits prenon la relèva dei silencis despuei la COP 26.

 

Leis energias fossilas estan la dròga dura de l’economia mondiala. Lo sosten ai pais dau Sud es a minima, la pression sus la Banca mondiala e lo FMI fa pas pron recèpta a respèct deis objectius climatics.

 

La solidaritat mondiala ramentada a Charm El-Cheikh es de faire, delà leis promessas dau jorn, fins qu’a la COP 28 que se tendrà a Dubaï. La retropolitica dei còntrapas a fach fogassa, una autra politica deis energias renovelablas, garanta de l’avenidor planetari, es de bastir. 

 

Gerard TAUTIL

Novembre de 2022 

CLIMAT COP 27. PROMESSES ET CONTORSIONS

   

Le climat est toujours au cœur des affichages internationaux, la dernière rencontre de la COP 27 en Egypte en est l’illustration.  

 

Pourtant le GIEC (Groupe d'experts intergouvernementaux sur l'évolution du climat) avait déjà mis en garde l’évolution négative du climat dans ses rapports successifs : augmentation des gaz à effet de serre (GES), alors qu’il nous reste trois ans pour les diminuer, condition de l’accord de Paris (2015).

 

En cas de croissance de 1,3° entre 2015 et 2020, le GIEC  avait prévu de réduire de 50% les émissions mondiales pour obtenir la neutralité carbone d’icí 2050.

 

Sinon la température serait de + 3,5° en fin de siècle, avec toutes les conséquences d’événements climatiques graves : fonte  des glaciers, dilatation des océans, immersion d’îles dans le Pacific (ce qui se produit déjà), acidification des mers et écosystèmes marins qui son en train de disparaître, et surtout la libération de CO2 contenu dans le permafrost à la suite du réchauffement climatique.

 

Mission impossible dans les conditions d’émissions de CO2 en hausse en raison du renforcement des sources d’énergies fossiles. Sont responsables au premier chef de cette situation les pays industrialisés comme la Chine - première émettrice de gaz à effet de serre -, Inde et pays du Golfe que se ruent dans l’impasse    productiviste et leurs effets antiécologiques pour le vivant.

 

A-t-il été entendu cet appel à Charm El-Cheikh ?

 

On peut en douter. D’autant plus que cette mise en garde a été renforcée par l’Ademe et les scenarios antérieurs proposés par NegaWatt. Ils montrent que la rhétorique macronienne d’un retour au modèle amish et à la chandelle refuse toute cohérence et que la sobriété bien pensée en fonction de l’avancée des techniques (puits et pompage direct de CO2 dans l’atmosphère sont à l’étude …) est en mesure de déboucher à la neutralité carbone.

 

Mais les techniques ne font pas tout si la demande d’énergies fossiles continue au lieu de décroître, si la refondation structurelle ne s’harmonise pas avec des solutions possibles comme la rénovation et l’isolation des logements, la hausse de l’agriculture bio et surtout la production d’énergies bas carbone. Le discours gouvernemental sur la sobriété ne fait pas merveille hors contexte mondial.

 

Nous ne sommes plus dans la logique grise du PIB, ni même de statistiques choisies par les technos de service, il s’agit à présent de changer de pied. La question du climat ne  peut se comprendre sans les conditions collectives du vivre ensemble, l’adaptation des politiques à la diversité des situations économiques et sociales, donc sans prendre à bras le corps la question des inégalités.

 

Y sommes-nous ou dépassons-nous toutes les bornes ? Décevantes sont les conclusions de la COP 27. Plus de mille scientifiques affirment que la limitation de 1,5° n’est que fiction et mensonges. La dépendance au gaz et au pétrole, et de nouveau au charbon, n’est pas en train de s’arrêter.

 

Les contorsions, l’égoïsme et l’incompétence des Etats concernés prennent la relève des silences depuis la COP 26. Les énergies fossiles restent la drogue dure de l’économie mondiale.

 

Le soutien aux pays du Sud est a minima, la pression sus la Banque mondiale et le FMI ne fait pas davantage recette par rapport aux objectifs climatiques. La solidarité mondiale rappelée à Charm El-Cheikh reste à faire, au-delà des promesses du moment, jusqu’à la COP 28 qui se tiendra à Dubaï.

 

La rétro-politique des contrepas a échoué, une autre politique des énergies renouvelables, garante de l’avenir planétaire, doit être mise en place.

 

Gerard TAUTIL

Novembre de 2022