BENVENGUDO – BENVENGUDA A L’OCEAN VIKING !

Sus aquela tèrra de Provença, endrudida de l’apòrt dei novèus arribants, que sa lenga nos es estada legada pèr lei fondators grècs e romans, sus aquela tèrra richa, de pèr son architeitura, seis universitats, sa cosina… de l’apòrt d’El Andalós, sus aquela tèrra monte, au fieu dei siècles tant de persecutats : jusieus, armenians, espanhòus, catalans… an trovat refugi, sus aquela tèrra es vengut, enfin, s’acostar l’Ocean Viking.

Perqué la Provença pòu pas se destriar de la Mare Nostrum que deu plus èstre un çamentèri, perqué nòstra tradicien milenari de solidaritat e d’aculhença, roigada pèr lei crisis economicas e socialas e lei fondamentalismes religiós d’estrèma-drecha, porrà jamai s’avalir, perqué siam lei garants d’aquela Istòri, d’aqueu viure-ensèms, aquela convivènci provençala que nos permete mai e totjorn de faire societat, diam ai refugiats de l’Ocean Viking : Bienvenue, Benvengudo, Benvenguda.

Es ensems, en fòrabandissènt totei lei discriminaciens, leis esclusivas, que refondarem aquela tèrra de Provença, qu’a besonh d’aquela imigracien, d’aquelei fòrças vivas, que seis enfants an puei fach soca dins un país.